Նիկոլայ II-ի որսատունը Կարս քաղաքում կվերածվի հյուրանոցի

Թուրքիայի մշակույթի և զբոսաշրջության նախարարությունը մրցույթ է հայտարարել Կարս նահանգում ռուս կայսր Նիկոլայ Երկրորդի որսորդական օթյակի վարձակալության համար: Գերատեսչությունը հայտնել է, որ առանձնատունը ներդրողներին կփոխանցվի 49 տարի ժամկետով՝ վերականգնման պայմանով. հաղորդում են թուրքական լրատվամիջոցները:

Ըստ տեղեկությունների՝ շենքը, որը կառուցվել է 1897 թվականին, և որին տեղացիներն անվանում են «Կատերինայի առանձնատուն», կվերածվի հյուրանոցի:

Շենքն ի սկզբանե կառուցվել է որպես հիվանդ արքայազն Ալեքսեյի վերականգնողական կենտրոն և կայսր Նիկոլայ II-ի որսատուն: Բալթյան ճարտարապետության ոճով շենքը եզակի է եղել հայկական Սարիղամիշի շրջանի համար: Համալիրը բաղկացած է որսորդական տնակից և հիմնական առանձնատնից: Շենքի կառուցման ժամանակ մեխեր չեն կիրառվել: