Ադրբեջանը մեծ զորակազմով դարձյալ զորավարժություն է իրականացնելու

Ադրբեջանի նախագահ Իլհամ Ալիևի կողմից հաստատված ծրագրի համաձայն՝ մայիսի 16-ին ադրբեջանական բանակում զորավարժություններ կսկսվեն՝ զորքատեսակների ներգրավմամբ:

Թշնամական երկրի պաշտպանության նախարարի ղեկավարությամբ անցկացվող զորավարժություններին կմասնակցեն մինչև 15,000 զինծառայող, մինչև 300 միավոր տանկ և այլ զրահամեքենաներ, մինչև 400 տարբեր տրամաչափի հրթիռահրետանային կայանքներ, հրթիռային բազմակի համակարգեր, ականանետներ և հակատանկային զենքեր, մինչև 50 միավոր ռազմական ավիացիա և անօդաչու թռչող սարքեր:

Զորավարժությունների ընթացքում, որը կտևի մինչև մայիսի 20-ը, այդ զորքերը «կատարելու են անօրինական զինված խմբավորումների սադրանքները կանխելու և ահաբեկիչներին վնասազերծելու հակահարվածային գործողություններ»։