ՏԵՍԱՆՅՈՒԹ․ Սփյուռքը և ՀՀ-ն այսօր Ցեղասպանության ճանաչման հարցում գործում են առանձին․ Էդգար Հովհաննիսյան

Պետք է կամուրջ հաստատել Սփյուռքի հետ՝ ըստ Yerkir.am-ի ասաց ՀՊՄՀ պատմության և հասարակագիտության ֆակուլտետի դեկան Էդգար Հովհաննիսյանը «Հայոց ցեղասպանություն. Թուրքիայի պատասխանատվությունը երեկ և այսօր» խորագրով կլոր սեղան-քննարկմանը։

«Տպավորություն է ստեղծվում, որ Ցեղասպանության ճանաչման և պահանջատիրության հետ կապված այս համազգային կարևոր հարցում վերջին շրջանում Սփյուռքն ու Հայաստանը գործում են առանձին»,-մտահոգություն հայտնեց նա։

Այնինչ, նրա հավաստմամբ, այն առանցքային նշանակության հարց է Սփյուռքի համար և, առհասարակ, հայության համար։

«Այս իմաստով, շատ կարևոր է այդ համադրված, սինքրոն գործունեությունը, ծրագրերի համատեղ մշակումը, ինչը, ցավոք սրտի, այսօր պետական մակարդակով չի իրականացվում»,-նշեց Էդգար Հովհաննիսյանը։

Առհասարակ, Հայաստան-Սփյուռք կապերը, նրա դիտարկմամբ, խորը ճգնաժամի մեջ են և, ընդհակառակը, պետական տարբեր մակարդակներով հնչեցնում են թեզեր, որոնք նույնական են թուրքական պետական-քաղաքական շրջանակների թեզերի հետ։

Մանրամասն՝ տեսանյութում․