Ռուսաստանը կարտաքսի տասը ամերիկացի և երեք լեհ դիվանագետների

Ռուսաստանի Դաշնությունը կառաջարկի ԱՄՆ 10 դիվանագետի` հեռանալ երկրից. ուրբաթ` ապրիլի 16-ին, հայտարարել է Ռուսաստանի Դաշնության արտաքին գործերի նախարար Սերգեյ Լավրովը:

Բացի այդ` երկիրը, ըստ ամենայնի, ստիպված կլինեն թողնել երեք լեհ դիվանագիտական անձ: «Նաև, ինչքան գիտեմ, Լեհաստանը հայտարարել է մեր դիվանագետներին արտաքսելու մասին: Մենք այստեղ, իհարկե, կպատասխանենք համապատասխան ձևով»,- Լավրովի խոսքերն են մեջբերում լրատվական գործակալությունները:

Մոսկվան այսպես է արձագանքել Վարշավայի և Վաշինգտոնի որոշումներին: Լեհաստանի արտգործնախարարությունը երեկ հայտարարել էր, որ Վարշավայում Ռուսաստանի դեսպանության երեք աշխատակիցներ խախտել են դիվանագիտական կարգավիճակը և Լեհաստանում պերսոնան նոն գրատա են ճանաչվել:

Իսկ ԱՄՆ նախագահ Ջո Բայդենը ապրիլի 15-ին հայտարարել էր ՌԴ 10 դիվանագետի արտաքսման մասին։