Հայաստանը և Ադրբեջանը ցուցադրում են կառուցողական վերաբերմունք. Մարիա Զախարովա

Բաքուն և Երևանը կառուցողական վերաբերմունք են ցուցաբերում Լեռնային Ղարաբաղի հարցով՝ եռակողմ աշխատանքային խմբի (ՌԴ, Ադրբեջան, Հայաստան) գործունեության շրջանակներում: Այս մասին ուրբաթ ճեպազրույցում հայտարարել է ՌԴ ԱԳՆ պաշտոնական ներկայացուցիչ Մարիա Զախարովան:

«Մենք նշում ենք ընդհանուր կառուցողական վերաբերմունքը, որ ցուցաբերել է ինչպես Բաքուն, այնպես էլ Երևանը՝ եռակողմ աշխատանքային խմբի շրջանակներում, որը նախագահում են Ռուսաստանի, Ադրբեջանի և Հայաստանի փոխվարչապետերը»,- ասել է նա:

Զախարովան հիշեցրել է, որ դրա հիմնական խնդիրն է իրականացնել ամենաբարձր մակարդակով ձեռք բերված պայմանավորվածությունները տարածաշրջանում բոլոր տնտեսական և տրանսպորտային կապերի ապաշրջափակման վերաբերյալ: