ՌԴ ՊՆ-ն Ստեփանակերտում զինվորական հոսպիտալ է տեղակայել

Ռուսաստանի Դաշնության պաշտպանության նախարարությունը Լեռնային Ղարաբաղում դաշտային հոսպիտալ է տեղակայել. հաղորդում է «ՌԻԱ Նովոստի»- ի թղթակիցը:

«Առաջին հերթին մենք կենտրոնանում ենք խաղաղապահ զորակազմի բժշկական ապահովման վրա։ Եվ պատրաստ ենք օգնել խաղաղ բնակչությանը։ Պատրաստ ենք տեղավորել մինչեւ 40 մարդ», - լրագրողներին ասել է բժշկական ջոկատի պետ Յարոսլավ Իվանովը։

Նրա խոսքով՝ հիվանդանոցը հագեցած է վերակենդանացման, ֆունկցիոնալ ախտորոշման, լաբորատոր ախտորոշման, վիրահատարանի, ատամնաբուժական կաբինետի եւ ակնաբույժի աշխատասենյակով: Առկա են թոքերի արհեստական օդափոխության սարքեր, ուլտրաձայնային և ռենտգենյան սարքավորումներ։