Արցախում մզկիթներն ավելի լավ վիճակում են, քան Բաքվում. իրանական Anjoman-e Mojazat

Իրանում մերկացրել են ադրբեջանա-թուրքական երկարամյա սուտը, թե իբր հայերը պղծել են մահմեդական հուշարձանները Ղարաբաղի տարածքում:

Twitter-ի «Anjoman-e mojazat» օգտահաշիվը հրապարակել է Ադրբեջանի կողմից օկուպացված Արցախի տարածքներում գտնվող երկու մզկիթների վերաբերյալ տեսանյութ, որոնք ցույց են տալիս, որ մզկիթներն անթերի վիճակում են: Ավելին՝ հանրապետության իշխանությունները իրանցի մասնագետների օգնությամբ վերականգնել էին Շուշիի հիմնական մզկիթը:

«Չե՞ք հոգնել ուրիշներին հիմարացնելուց: Քանդված են Բաքվի մզկիթները, և նրանց թույլ չեն տալիս նույնիսկ բարձրախոսներով ազան հնչեցնել: Երեսուն տարի շարունակ զրպարտում էին հայերին, որոնք իրենց փողերով պահպանում էին այդ մզկիթները:

Պանթյուրքիզմը հիմնված է կեղծիքի ու ստի վրա»,- գրում է միկրոբլոգի հեղինակը: