Հայկական Երեսփոխանական Պլոքը Կ՛առաջադրէ Ատիպի Թեկնածութիւնը

Հայկական երեսփոխանական պլոքի ներկայացուցիչ, երեսփոխան Յակոբ Բագրատունի եւ պլոքի անդամ երեսփոխաններ Յակոբ Թերզեան եւ
Ալեքսանտր Մաթոսեան նախագահ Աունի հետ խորհրդակցութեան ընթացքին առաջադրեցին Մուսթաֆա Ատիպի թեկնածութիւնը:

Հանդիպումէն ետք Յ. Բագրատունի ըսաւ. «Մեկնելով ազգային միասնականութեան սկզբունքէն եւ երկրին մէջ տիրող ծանր պայմաններէն` դեսպան Մուսթաֆա Ատիպի անունը կ՛առաջադրենք վարչապետի պաշտօնին համար եւ անոր յաջողութիւն կը մաղթենք: Կոչ կ՛ուղղենք` կազմելու կառավարութիւն մը, որ ներառէ լիբանանեան հասարակութեան բոլոր շերտերը, որոնց մէջ նաեւ քաղաքացիական ընկերութեան ներկայացուցիչները: Կառավարութեան առաջնահերթութիւնը պէտք է ըլլայ փտածութեան դէմ պայքարիլ, երկիրը իր դիմագրաւած ելեւմտական պայքարէն փրկել, Պէյրութը եւ անոր շրջակայքը վերակառուցել` տուժողներուն տրամադրելով անմիջական հատուցումներ, ինչպէս նաեւ վաղուան Լիբանանը կերտելու արմատական բարեկարգումի ծրագիր մը մշակել»:

aztagdaily.com