Ադրբեջանում բժիշկները մկրատը մոռացել են հիվանդի որովայնում

Տրագիկոմեդիկ պատահար է տեղի ունեցել Ադրբեջանի Գյանջա (Գանձակ) քաղաքում: Քաղաքացի Լալազար Օրուջևային վիրահատելու ժամանակ վիրաբուժները վիրաբուժական մկրատ են մոռացել վիրահատվողի ստամոքսում. ըստ Yerkir.am-ի՝ հայտնում է Baku.ws կայքը:

Օրուջևայն ստամոքսի խնդիր էր ունեցել, որից հետո ենթարկվել էր վիրահատության, սակայն դրանից հետո հիվանդի վիճակը ավելի էր վատացել: Վիրահատությունը տեղի էր ունեցել դեռ ամռանը, սակայն հիվանդի բարեկամները միայն դեկտեմբերին են դիմել բժշկներին, որի ժամանակ էլ պարզ դարձավ, որ վիրաբույժներն այնտեղ մկրատ են մոռացել:

Գյանջայի հիվանդանոցի գլխավոր բժիշկը հայտնել է, որ վիրահատող բժիշկներն արդեն պատժվել են: