1 միլիարդ դոլար՝ գերձայնային հրթիռի մշակման համար. Պենտագոն

Lockheed Martin կորպորացիան շուրջ 988.8 մլն դոլար Է ստացել ԱՄՆ-ի ռազմաօդային ուժերի համար ARRW նոր հրթիռի մշակման նպատակով. ըստ Yerkir.am-ի՝ հայտնում է ՌԻԱ «Նովոստի»-ն՝ վկայակոչելով Պենտագոնի հաղորդագրությունը:

Աշխատանքները կանցկացվեն Կալիֆոռնիայի նահանգի Օռլանդո քաղաքում և, ինչպես ենթադրվում Է, պետք է ավարտվեն մինչև 2022 թվականի դեկտեմբերի 31-ը:

«Lockheed Martin ընկերությունը 988 մլն 832 հազար 126 դոլար է ստացել ավելի վաղ «Օդում բազավորմամբ արագ հակազդման զենքի» շուրջ կնքված պարտավորագրի պայմանների փոփոխության շրջանակում»,- մանրամասնվում Է ԱՄՆ-ի պաշտպանության նախարարության հաղորդագրությունում:

Նշվում է՝ պարտավորագրի շրջանակում ընկերությունը պետք Է զբաղվի կոնստրուկցիայի նախագծով, անցկացնի փորձարկումներ, ինչպես նաև հրթիռը նախապատրաստի սերիական արտադրության: