Հոլանդիայում արգելվել է իսլամական գլխաշորերի կրումը

Հոլանդիայում ուժի մեջ է մտել երկար տարիներ բուռն քննարկումների առարկա դարձած՝ իսլամական կանացի գլխաշորերի կրումն արգելող օրենքը: Օրենքին չենթարկվելու դեպքում կտուգանվեն 150 եվրոյով. հաղորդում է diken.com.tr կայքը:

Նշենք, որ օրենքը չի արգելում իսլամական մշակույթի այնպիսի հագուստների կրումը, որոնք ամբողջությամբ չեն փակում դեմքը: Օրենքը վերաբերում է նիկաբներ և փարանջաներ կրելուն, որոնք ծածկում են դեմքն ամբողջությամբ:

Տուգանք կսահմանվի միայն դպրոցներում, հիվանդանոցներում, կառավարական շենքերում, հասարակական տրանսպորտում և այլ վայրերում դրանք կրելու համար:

Այսպիսով՝ Հոլանդիան Ֆրանսիայից և Դանիայից հետո դարձավ իսլամական գլխաշորերն արգելող հերթական երկիրը: