Մարիխուանայի վաճառքը կարգելվի նաեւ Հոլանդիայում

Հոլանդիայի իշխանությունները արգելել են թունդ ազդեցություն ունեցող մարիխուանայի վաճառքը սուրճի խանութներում եւ այն դասել են այնպիսի թմրանյութերի շարքը, ինչպիսին են կոկաինը եւ էքստազին. հաղորդում է BBC-ն:

Բանն այն է, որ ներկայումս մարիխուանայի մեջ տետրահիդրոկանաբինոլի (ՏՀԿ) քանակը մեծացել է, ինչի հետեւանքով ծխախոտն ավելի թունդ ազդեցություն է ունենում, քան նախկինում էր:

Նախատեսվում է, որ յուրաքանչյուր թմրամիջոց, որը կպարունակի 15 տոկոսից ավելի ՏՀԿ, դասվելու է թունդ թմրանյութերի շարքը: Այս որոշումը մեծ հարված կարող է հասցնել սուրճի խանութներին, քանի որ պարտավորված են լինելու իրենց ապրանքների 80 տոկոսը փոխարինել ավելի թույլ ազդեցություն ունեցող նյութերով:

Արգելքը դեռեւս գործում է միայն Մահաստրիխտ քաղաքում. սա փորձանական ծրագիր է, եւ հաջողության դեպքում այն կկիրառվի հոլանդական մյուս քաղաքներում:

Նշվում է նաեւ, որ այս արգելքը չի վերաբերում գերմանացի եւ բելգիացի զբոսաշրջիկներին: