Վրաստանում ցուցարարները նոր ծրագրեր ունեն

Վրաստանում բողոքի ակցիաների մասնակիցները մտադիր են ավտոշարասյունով Առաջին հանրապետության հրապարակից շարժվել դեպի ՆԳՆ շենք: Այդ մասին հայտնում է Спутник-Грузия-ն:

Կազմակերպիչներն առաջարկել են իրենց բողոքը հայտնել և 14:00-ին կանգնեցնել մեքենաները ու միացնել ձայնային ազդանշանները: Իսկ մասշտաբային ակցիան  կշարունակվի 19:00-ին: Պահանջները մնում են նույնը` ՆԳՆ ղեկավարի հրաժարական, արտահերթ խորհրդարանական ընտրությունների անցկացում և ակցիայի ժամանակ ձերբակալվածների ազատ արձակում:

Հիշեցնենք, որ ցույցերը Վրաստանում շարունակվում են արդեն գրեթե 4 օր: Զանգվածային բողոքի պատճառ է դարձել երկրի  խորհրդարանում ՌԴ Պետդումայի պատգամավոր, Ուղղափառության միջխորհրդարանական վեհաժողովի նախագահ Սերգեյ Գաբրիլովի՝ խորհրդարանի խոսնակի աթոռից ելույթ ունենալու փաստը: