Շփոթվել եմ. Լևոն Ալթունյանը պարզաբանեց

Կառավարության նիստից հետո առողջապահության նախարար Լևոն Ալթունյանն անդրադարձավ իր այն հայտարարությանը, որը շփոթմունք էր եղել և աղմուկ էր բարձրացրել հասարակության շրջանում: Նախարարը «Գարդասիլ»-ով պատվաստումների մասին խոսելիս ասել է, որ Արաբկիր» բժշկական կենտրոնը ուսումնասիրություն է կատարել 13 տարեկան աղջիկների շրջանում և պարզել, որ Հայաստանի տարածքում մինչև 15 տարեկան աղջիկների 25%-ը սեռական հարաբերության փորձ ունի:

Իրականում նախարարը շփոթվել է, քանի որ հարցված 15 տարեկան տղաների 25%-ն է ասել, որ սեռական հարաբերություն է ունեցել, իսկ աղջիկների` ընդամենը 1%-ը։

«Ուղիղ եթերի ժամանակ շփոթմունք է եղել, տղաների տեղը հնչել է աղջիկներ բառը»,- ասաց Ալթունյանը: