Զախարովան` ԼՂ հակամարտության կարգավորման «Պուտինի պլանի» մասին

ՌԴ ԱԳՆ պաշտոնական ներկայացուցիչ Մարիա Զախարովան ավանդական ճեպազրույցի ժամանակ անդրադարձել է ԼՂ հակամարտությանը: Լրագրողները հետաքրքրվել են` արդյո՞ք ՌԴ ԱԳՆ ղեկավար Սերգեյ Լավրովը  ԼՂ համակամարտության կարգավորման «Պուտինի պլան» է բերել տարածաշրջան կատարած այցի ժամանակ, ինչի մասին գրել են որոշ ԶԼՄ-ներ:

«Այդ թեման բազմիցս մեկնաբանվել է այցից առաջ և հետո: Միանշանակ պատասխան ենք տվել այդ հարցին: Մեզ մոտ աշխատում է ԱԳՆ կայքը, դա մեծ պորտալ է: Մենք ճեպազրույցներ և մամուլի ասուլիսներ ենք ունենում: Մենք միշտ մանրամասն պատասխանում ենք բոլոր հարցերին: Լավ կլինի որ ԶԼՄ-ների հրապարակումներում մեր դիրքորոշումն էլ հիշատակվի: Երբեմն հեղինակների մտքի թռիչքը այնքան նպատակասլաց է, որ այն հնարավոր չէ կանգնեցնել, հնարավոր է նաև, որ պետք էլ չէ»,- ասել է Զախարովան: