Եռաբլուրում տարեց կինը փորձեց ծնկի գալ Սերժ Սարգսյանի առաջ

Այսօր Եռաբլուրում ՀՀ նախագահ Սերժ Սարգսյանին մոտեցավ մի տարեց կին՝ ներկայացնելու իր խնդիրը: Կինը մի քանի անգամ փորձեց ծնկի գալ Սերժ Սարգսյանը առջև, սակայն ՀՀ պաշտպանության նախարար Վիգեն Սարգսյանը կանխեց: «Ձեր օգնությունն եմ խնդրում»,- լաց լինելով` ասաց կինը և նամակ հանձնեց նախագահին:

Քիչ անց նախագահին մոտեցավ մեկ այլ կին, ում Yerkir.am-ն իր հրապարակումներում անդրադարձել է: Գավառի բնակչուհի 60-ամյա Սվետա Դավթյանը նախագահին դժգոհեց վարչապետ Կարեն Կարապետյանից: Վերջինս նախորդ տարվա հոկտեմբերին մեքենայից իջել էր և գրկել կնոջը՝ խոստանալով օգնել: Վարչապետի այդ քայլը բուռն արձագանք էր գտել համացանցում: «Ցավդ տանեմ, ոտերդ պաչեմ, կյանքիդ մեռնեմ»,- դիմելով Սերժ Սարգսյանին՝ ասաց կինը` այդպես էլ չպարզաբանելով, թե ինչ խնդրով է դիմում: