Արկանզասում դատարանը թույլատրել է վերսկսել մահապատժի կիրառումը

Ամերիկայի Արկանզաս նահանգի գերագույն դատարանը թույլատրել է վերսկսել մահապատիժը դատապարտյալների նկատմամբ. հաղորդում է. Associated Press-ը:

Գերագույն դատարանը մերժել է վերանայել 8` մահապատժի դատապարտվածների փաստաբանների հայցերը և ուժի մեջ է թողել մահապատժի կիրառումը նրանց նկատմամբ: Նահանգի գլխավոր դատախազը խնդրել է Արկանզասի նահանգապետին` նշանակել դատապարտյալների մահապատժի օրերը:

 Արկանզասում մահապատիժը չի կիրառվել 2005 թվականից: Ըստ պարբերականի` իշխանությունները  դեռևս չունեն անհրաժեշտ մահացու դեղամիջոցները, այդուհանդերձ, նահանգում պլանավորում են ինչքան հնարավոր է շուտ լուծել այս խնդիրը:

Այս պահին 34 հոգի Արկանզասում դատապարտված է մահապատժի: