Հնարավոր է` չդնեմ իմ թեկնածությունը. Աղվան Հովսեփյանի պատգամավոր եղբայրը՝ առաջիկա ընտրությունների մասին

ԱԺ ՀՀԿ խմբակցության պատգամավոր, թիվ 6 ընտրատարածքից մեծամասնական ընտրակարգով ընտրված Ռուբեն Հովսեփյանը, ով ՀՀ քննչական կոմիտեի նախագահ Աղվան Հովսեփյանի եղբայրն է, դեռ չի որոշել` կառաջադրի՞ իր թեկնածությունը խորհրդարանական ընտրություններին, թե՞ ոչ:

Yerkir.am-ի հետ զրույցում նա ասաց. «Հնարավոր է` չդնեմ իմ թեկնածությունը»: Պատգամավորը վստահեցրեց` թեև չի դնելու իր թեկնածությունը, սակայն, որպես ընտրող կգնա` ընտրություն կատարելու: Նա վստահեցրեց, որ չի հեռանալու ՀՀԿ-ից: Իսկ հեռացողների մասին էլ ասաց, որ ամեն մարդ ինքն է որոշում` ինչ անել, ինչպես անել:

Ռուբեն Հովսեփյանը դեռ չի որոշել` ինչով է զբաղվելու, եթե չաշխատի` որպես պատգամավոր :Հարցին, թե ինչպե՞ս է գնահատում իր պատգամավորական գործունեությունը, պատասխանեց. «Դե, համեմատած մնացածների աշխատանքին, ոչ վատ»: