Սեպտեմբերի 24-ը` աշխատանքային օր

Կառավարության այսօրվա նիստում որոշվեց փոփոխություն կատարել նախորդ նիստի ընթացքում ընդունված որոշման մեջ:

Հիշեցնենք, որ նախորդ շաբաթ կառավարությունը սեպտեմբերի 12-ը հայտարարեց ոչ աշխատանքային, դրա փոխարեն աշխատանքային հայտարարվեց սեպտեմբերի 17-ը՝ հաջորդ շաբաթ օրը, քանի որ կիրակի՝ սեպտեմբերի 11-ին Հայ Առաքելական եկեղեցին նշում է Խաչվերացը, որին հաջորդող երկուշաբթին ննջեցյալների հիշատակության օր է` ոչ աշխատանքային:

Կառավարության աշխատակազմի ղեկավար Դավիթ Հարությունյանն այսօր իր խոսքում նշեց, որ, հաշվի առնելով այն հանգամանքը, որ սեպտեմբերի 18-ին ՏԻՄ ընտրություններ են, իսկ դրան նախորդող շաբաթ օրը ընտրական հանձնաժողովի անդամները բազմաթիվ աշխատանքներով են զբաղված լինելու, առաջարկվում է աշխատանքային օրը սեպտեմբերի 17-ից տեղափոխել սեպտեմբերի 24: