Ռուսական ծրագիրը ենթադրում է ՀՀ-ի և ԼՂՀ-ի սահմանների բացում. Известия

ՀԱՊԿ անդամ պետությունների ԱԳՆ ղեկավարները հուլիսի 4-ին հանդիպել են Երևանում` միջազգային օրակարգի հրատապ հարցերի քննարկման համար: Հայաստան է ժամանել նաև ՌԴ ԱԳՆ ղեկավար Սերգեյ Լավրովը: Известия-ի տեղեկություններով` այցի ընթացքում նախարարը ԼՂ հարցով ոչ պաշտոնական բանակցություններ է վարել հայկական կողմի հետ:

Դիվանագիտական շրջանակներում Известия-ի աղբյուրը հայտնել է, որ ՌԴ-ի միջնորդությամբ  հայ-ադրբեջանական բանակցությունները ակտիվ են ընթանում, սակայն` առանց ավելորդ շտապողականության: Ըստ աղբյուրի` ՌԴ-ն ցանկանում է այնպես հաղթահարել այդ ճգնաժամը, որպեսզի մասնակիցները, այդ թվում` Լեռնային Ղարաբաղը, առավելագույնս անցավ դուրս գան դրանից:

Ռուսական ծրագիրը, մասնավորապես, ենթադրում է ՀՀ-ի և ԼՂՀ-ի սահմանների բացում ոչ միայն Ադրբեջանի, այլ և Թուրքիայի կողմից: Պարբերականի աղբյուրի համաձայն` ռուս-թուրքական հաշտությունը կարող է դրական ազդել ԼՂ հակամարտության կարգավորման վրա: