Յուրա Մովսիսյանը բանակցում է «Չիկագո Ֆայր» թիմի հետ. «Известия»

Ռուսական «Известия»-ն հաղորդում է, որ Հայաստանի ազգային հավաքականի և Մոսկվայի «Սպարտակ»-ի հարձակվող Յուրա Մովսիսյանի ծառայություններով հետաքրքրված է MLS-ի առաջնությունում հանդես եկող «Չիկագո Ֆայր» թիմը:

Աղբյուրի համաձայն` ամերիկական ակումբն արդեն առաջարկ է արել հայ հարձակվողին և պատրաստ է երկարաժամկետ պայմանագիր ստորագրել ֆուտբոլիստի հետ: Ամերիկյան առաջնություն տեղափոխվելու դեպքում Մովսիսյանի աշխատավարձը չի պակասի, նա կստանա այնքան գումար, որքան այժմ «Սպարտակ»-ում  է ստանում:

Ռուսական պարբերականը նաև նշում է, որ հայ ֆուտբոլիստը չի  մերժել «Չիկագո Ֆայր»-ի առաջարկը և այն դիտարկելու է ամառային տրանսֆերային պատուհանի ժամանակ: