Երևանում` իր բնակարանում, բռնության են ենթարկել 67-ամյա կնոջ

Երեկ երեկոյան` ժամը 22.20-ի սահմաններում, անհայտ անձը ավազակային հարձակում է գործել Արամ Խաչատրյանի փողոցի 25 շենքի բնակարաններից մեկի վրա: Այս տեղեկությունը Yerkir.am հետ զրույցում հաստատեցին ոստիկանությունից: Նախնական տեղեկություններով` բռնություն է կիրառվել բնակարանի տանտիրուհու՝ 67-ամյա Նուրիցա Թ.-ի նկատմամբ: Նրան արյունաշաղախ հայտնաբերել են հարեւանները:

Տուժածին տեղափոխել են «Արմենիա» բժշկական կենտրոն: Հիվանդանոցի վիրաբուժական գծով տնօրեն Արսեն Գրիգորյանը Yerkir.am-ին  հայտնեց, որ տուժածին տեղափոխել են վերակենդանացման բաժանմունք, նրա վիճակը ծանր կայուն է: Վերակենդանացման բաժանմունքից մեզ հայտնեցին, որ կնոջը տեղափոխել են այլ բաժանմունք: