ԻՊ-ը գաղտնի լաբորատորիա ունի

«Իսլամական պետություն» ահաբեկչական խմբավորումը գաղտնի լաբորատորիա ունի, որտեղ արտադրվում են հեռակառավարմամբ ավտոմոբիլներ և «երկիր-երկինք» դասի հրթիռների մարտկոցներ. տեղեկացնում է Regnum գործակալությունը` վկայակոչելով Sky News հեռուստաալիքը:

Ըստ հեռուստաալիքի`ինքնաուղղորդվող ջերմային գլխիկներով հրթիռները կարող են հարձակում գործել քաղաքացիական և ռազմական ինքնաթիռների վրա: Բացի այդ` Ռաքայում գործող լաբորատորիայի մասնագետները ստեղծել են «շարժուն ռումբեր»` հեռակառավարվող ավտոմոբիլներ, որոնց ղեկին մանեկեններ են:

Sky News-ին տեսանյութերը տրամադրել են  «Սիրիական ազատ բանակ»-ի զինյալները, որոնց հաջողվել է բռնել ԻՊ-ի հրահանգիչներից մեկին, որը փորձում էր Սիրիայով և Թուրքիայով անցնել Եվրոպա: