«Կարևոր է, բայց` փոքր»

Այսօր կառավարության նիստում Օրենսդրության կարգավորման ազգային կենտրոնի տնօրեն Արմեն Եղիազարյանը նշեց, որ փոքրիկ որոշում ունի ներկայացնելու` անշարժ գույքի գնահատողի որակավորման մասին:

«Դա շատ, շատ կարևոր որոշում է, ինչի՞ է փոքր»,- ասաց վարչապետ Հովիկ Աբրահամյանը:

Արմեն Եղիազարյանը արձագանքեց. «Կարևոր է, բայց` փոքր»: Շարունակելով` նա ներկայացրեց որոշումը, որը նախատեսում է անշարժ գույքի գնահատողի որակավորման վկայականը այսուհետ տրամադրել անժամկետ: Հիմնավորումն այն է, որ մնացած բոլոր վկայականները, որոնք առնչվում են կադաստրի գործունեությանը, անժամկետ են, ուստի որոշվեց դա էլ անժամկետ դարձնել:

Վարչապետը կրկնեց, որ դա շատ կարևոր փոփոխություն է: