Երկիրը պետք է պատրաստ լինի յուրաքանչյուր սցենարի. Հովիկ Աբրահամյան

Կառավարությունն այսօրվա նիստում որոշել է միջոցներ ձեռնարկել արտարժութային կապիտալի ներհոսք ապահովելու ուղղությամբ` արտարժութային պարտատոմսերի թողարկման միջոցով:

Դրա համար, ըստ գործադիրի, անհրաժեշտ է ունենալ միջազգային իրավախորհրդատու և գլխավոր տեղաբաշխող, որոնց ծառայությունների գնումը իրականացվելու է բանակցային ընթացակարգով:

Համաշխարհային տնտեսության վերջին տարիների վայրիվերումները Հովիկ Աբրահամյանը բնութագրել է իբրև տնտեսական պատերազմ և շեշտել, որ մեր երկիրը պետք է պատրաստ լինի յուրաքանչյուր սցենարի: Արտահանումը խթանելու օրինագիծն արդեն իսկ ուղարկվել է Ազգային ժողով և կքննարկվի առաջին քառօրյայում:

Արտարժութային պարտատոմսերի թողարկումը պետք է դիտարկել միջազգային շուկաներից փող բերելու հնարավորության տեսակետից: Գումար ներգրավելը ազդակ լինի, որպեսզի խոշորածավալ ենթակառուցվածքային ծրագրերի համար այլ ներդրողներ ևս ի հայտ գան: