Կիևին նոր Մայդան է սպառնում. Газета.ru

Ուկրաինայում դժգոհության նոր ալիք է հասունանում. գրում է Газета.ru-ն:

«Երկրում թանկանում են կոմունալ ծառայությունները, տրանսպորտը, սնունդը, հագուստը, դեղամիջոցները: Կիևում փակվում են ռեստորանները: Երկրի բնակչությունը վախեցած է գնաճի և դոլարի կուրսի բարձրացումից: Յանցենյուկի կառավարության հանդեպ դժգոհությունը գնալով աճում է: Շուտով Կիեւը կարող է վերածվել Մայդանի նոր հարթակի, սակայն արդեն ոչ թե քաղաքական, այլ սոցիալական»,- գրում է պարբերականը:

Ըստ պարբերականի՝ ուկրաինացիների 60%-ը վախենում է, որ չվճարվեն աշխատավարձերը և թոշակները, 59%-ը՝ պատերազմից, մոտ 50%-ին տանջում են գործազրկության, ներքաղաքական անկայունության, հանցավորության մակարդակի բարձրացման և այլ հարցեր: