''Ժող''-ի ուսխորհուրդը հայտարարություն է տարածել

Հայաստանի պետական տնտեսագիտական համալսարանի ուսանողական խորհուրդը ափսոսանք է հայտնում երեկ համալսարանում տեղի ունեցած միջադեպի կապակցությամբ: Ուսխորհդրի տարածած հաղորդագրության մեջ ասվում է.

«Ցավում ենք, որ կրքերն անցել են թույլատրելիի սահմանները, և մեր որոշ ուսանողներ տրվել են բուհ եկած որոշ անձանց սադրանքների, ինչի արդյունքում բուհի ներսում երկուստեք հնչել են համալսարանական միջավայրին ոչ հարիր արտահայտություններ: Ներողամտություն ենք հայցում բոլոր այն աղջիկներից, կանանցից և լրագրողներից, որոնց երեկ հույզերի ազդեցության տակ ակամայից նեղացրել են մեր ուսանողները: Առիթից օգտվելով` շնորհավորում ենք բոլոր լրատվամիջոցների ներկայացուցիչներին Ամանորի և Սուրբ Ծննդյան տոների կապակցությամբ: Ակնկալում ենք հետագայում սերտ համագործակցություն և փոխադարձ հարգանք»: