Արգիշտի Կիվիրյանը հարցաքննվում է

Այս պահին Հատուկ քննչական ծառայությունում «Կոմիտաս 5»-ի գործով հարցաքննվում է ակտիվիստ Արգիշտի Կիվիրյանը: Նախքան ՀՔԾ մտնելը  նա լրագրողներին ասաց, որ երեկ ուշացումով ստացել է ՀՔԾ հրավիրվելու ծանուցումը, որում նշված է, որ այսօր պետք է հարցաքննվի` որպես մեղադրյալ, ինչից և ենթադրել է, որ այսօր իրեն մեղադրանք կառաջադրեն և իր նկատմամբ խափանման միջոց կընտրեն: 

Կիվիրյանը նաև նշեց, որ իր նկատմամբ քաղաքական հետապնդումներ են իրականացվում` հաշվի առնելով այն հանգամանքը, որ այս պահին իր մասնակցությամբ 4 վարչական վարույթ կա, ընդ որում` մեկը նոր պետք է քննվի դատարանում:

Կիվիրյանի հետ ՀՔԾ-ում են նրա փաստաբաններ Երվանդ Վարոսյանը և Լուսինե Սահակյանը: 

Այս պահին ՀՔԾ շենքի մոտ հավաքվել են 2 տասնյակից ավելի ակտիվիստներ: Նրանք կրում են «Հայաստանը քաղբանտարկյալների կարիք չունի», «Արգիշտի, մենք քեզ հետ ենք», «Ռեժիմը սպառնալիք է բոլորի համար» գրառումներով պաստառներ: