Ի՞նչ է տվել մեզ ԵՄ-ը, բացի էդ այլասերված բաներից. ՀՀԿ-ական

ԱԺ-ում մի քանի լրագրողների հետ զրույցում ԱԺ ՀՀԿ խմբակցության պատգամավոր Վրեժ Մարկոսյան ասաց, որը ինքը` որպես քաղաքացի, համարում է, որ «ռազմավարական տեսանկյունից մեր միակ պարտնյորը Ռուսաստանն է, քանի որ մեր սահմանները Ռուսաստանն է պահում»

Ի պատասխան լրագրողների դիտարկմանը, թե ստացվում է` դե՞մ է ԵՄ-ին, պատգամավորը հարցրեց, թե ի՞նչ է մինչեւ հիմա մեզ համար արել այդ կառույցը:

Yerkir.am-ի թղթակիցը հետաքրքրվեց` իսկ ի՞նչ կտա մեզ Մաքսային միությունը: «Ես միշտ գտել եմ, որ մեր միակ պարտնյորը Ռուաստանն է: Իսկ ի՞նչ է տվել մինչեւ հիմա մեզ ԵՄ-ը, բացի էդ այլասերված բաներից` էդ հոմոսեքսուալիզմը եւ նման բաները»,-պատասխանեց պատգամավորն ու հեռացավ: