Հալեպում արգելել են կրուասանները

Հալեպի շարիաթական կոմիտեն արգելել է կիսալուսնաձեւ կրուասանների պատրաստումը եւ կիրառումը սննդում: Ըստ կոմիտեի` դա հակասում է իսլամի օրենքներին եւ հիշեցնում է «քրիստոնյաների` մահմեդականների նկատմամբ հաղթանակի մասին». տեղեկացնում է mignews.com-ը:

Ըստ իսլամականների` կրուասաններն իբր առաջին անգամ թխվել են 1683 թվականին, երբ ձախողվել է թուրք սուլթան Մեհմեդ 4-րդի` Վիեննան գրավելու փորձը, ինչից հետո թուրքերը սկսել են նահանջել Եվրոպայից:

Հալեպի որոշ շրջաններ վերահսկողության տակ պահող իսլամականները վերջին ամիսներին բազմաթիվ արգելքներ են սահմանել: Օրինակ` կանանց արգելվում է շպարվել, մարմինը կիպ գրկող հագուստ կրել: Նրանց, ովքեր Ռամադանի ընթացքում կհրաժարվեն պահքից, բանտարկություն է սպառնում: