Եվրախորհրդարանի բանաձեւը Գյուլի քիմքին չէ

Թուրքիայի նախագահ Աբդուլլահ Գյուլը քննադատել է երկրում տեղի ունեցած վերջին իրադարձությունների կապակցությամբ Եվրախորհրդարանի ընդունած բանաձեւը. տեղեկացնում է Anadolu-ն:

Ըստ նրա` փաստը, որ Թուրքիայի եւ ԵՄ-ի միջեւ անդամակցության վերաբերյալ բանակցություններ են ընթանում` կոպենհագենյան չափանիշների համապատասխան, վկայում է, որ ժողովրդավարությունը Թուրքիայում այս պահին համապատասխանում է այդ պահանջներին: Հետեւաբար` որեւէ գնահատական տալուց առաջ Եվրախորհրդարանը պետք է հաշվի առնի այդ հանգամանքը:

Գյուլն ընդգծել է, որ ներկայումս Թուրքիայում կատարվող իրադարձությունների նման դեպքեր տեղի են ունեցել Մադրիդում, Աթենքում, Նյու Յորքում եւ Լոնդոնում, եւ դրանց ինչ-ինչ յուրահատկություն տալը, ակներեւ կողմնապահություն է: