ՕԵԿ-ին հարց տվող չկար

ԱԺ այսօրվա ճեպազրույցում, ի տարբերություն այլ խմբակցությունների, լրագրողները ՕԵԿ-ին հարցեր չուղղեցին` չունեին: Խմբակցության քարտուղար Մհեր Շահգելդյանը նախ մի փոքր նախաբանով ամփոփեց քառօրյան, հետո խոսեց Երեւանի ավագանու ընտրություններում քարոզարշավի ընթացքի մասին:

Լրագրողներից մեկը միայն Շահգելդյանից փորձեց ճշտել, որ եթե չմասնակցեին Սերժ Սարգսյանի երդման արարողությանը, հնարավո՞ր է գնային Ազատության հրապարակ եւ կանգնեին ժողովրդի կողքին: Շահգելդյանը միանգամից հայտարարեց, որ հարցը տեղին չէ, իսկ տվյալ դեպքում «եթե-ապա»-ն չի աշխատում:

ՕԵԿ-ական պատգամավորի այս պատասխանից հետո այլ հարցեր եւ ճշտումներ լրագրողների կողմից չհնչեցին, ինչից փոքր-ինչ նեղսրտած Շահգելդյանը շփոթված արագ հեռացավ: