Կարեն Գրիգորյանը զիջեց դիրքերը

Միջազգային վարպետ Կարեն Գրիգորյանը եւ գրոսմայստեր Սամվել Տեր-Սահակյանը Ֆրանսիայի Ռոշֆոր քաղաքում անցկացվող մրցաշարում վերջին տուրից առաջ 8 հնարավորից վաստակել են 6-ական միավոր եւ կես քայլով են ետ մնում առաջատարից` գրոսմայստեր Դավիթ Ջոջուայից (Վրաստան):

Լրացուցիչ ցուցանիշներով Գրիգորյանն ընթանում է 2-րդ, Տեր-Սահակյանը` 4-րդ տեղում: 6 միավոր է վաստակել նաեւ գրոսմայստեր Վլադ-Քրիստիան Ջիանուն (Ռումինիա):

Այսօր եզրափակիչ տուրում Տեր-Սահակյանը սեւերով խաղում է Ջոջուայի, Գրիգորյանը` Ջիանուի հետ: 

Իսկ Կարեն Գրիգորյանը Ռոշֆորի փառատոնի ծրագրով անցկացված կայծակնային մրցաշարում, չկրելով ոչ մի պարտություն, 11 հնարավորից վաստակելով 9,5 միավոր, միանձնյա նվաճեց առաջին մրցանակը. տեղեկացնում է armchess.am-ը: