700 անօրինական բանտարկյալ` Պակիստանում

Պակիստանի իշխանություններն առաջին անգամ խոստովանել են, որ իրենց բանտերում ապօրինաբար պահվում է մոտ 700 մարդ: Նրանց դեմ մինչ օրս որեւէ հստակ մեղադրանք կամ դատական հայց չի ներկայացվել:

BBC-ի հաղորդմամբ` երկրի գլխավոր դատախազ Իրֆան Քադիրը խոստովանել է այս մասին Բարձրագույն դատարանի լսումների ժամանակ, երբ քննարկվում էր 7 կասկածյալի գործը, ովքեր որոշ ժամանակ ապօրինաբար բանտում պահվելուց հետո 2010թ. ազատ էին արձակվել, իսկ ավելի ուշ կրկին ձերբակալվել հետախուզության գործակալների կողմից:

Քադիրը նշել է, որ այդ 700 կասկածյալները հիմնականում ձերբակալվել եւ Աֆղաստանին սահմանակից շրջաններում եւ անազատության մեջ կմնան մինչ «Թալիբան» շարժման դեմ գործողությունների ավարտը: Բարձրագույն դատարանի նախագահը, սակայն, հայտարարել է, որ բոլոր այդ դեպքերով պետք է հետաքննություններ կատարվեն, իսկ անմեղները պետք է ազատ արձակվեն: