Patriot հրթիռները Թուրքիայում հավերժ չեն մնա

Patriot հրթիռները Թուրքիայի տարածքում չեն մնա ավելի, քան անհրաժեշտ է. ռուսաստանցի լրագրողներին հայտնել է ՆԱՏՕ-ի գլխավոր քարտուղար Անդերս Ֆոգ Ռասմուսենը: Նա նաեւ երաշխավորել է, որ դրանք Ռուսաստանի դեմ չեն ուղղվի:

Ինչ վերաբերում է դրանք Թուրքիայում պահելու ժամկետին, դա, ըստ Ռասմուսենի, կախված է իրավիճակից. տեղեկացնում է Интерфакс-ը:

ՆԱՏՕ-ի գլխավոր քարտուղարը զգուշացրել է Դամասկոսին, որ քիմիական զենք կիրառելու դեպքում կարժանանա միջազգային հանրության վճռական արձագանքին: «Միջազգային առաջնորդները շատ հստակ ազգանշան են ուղղել Դամասկոսին: Ուզում եմ հուսալ, որ այդ ազդանշանը Դամասկոսը ոչ միյան կլսի, այլեւ կհասկանա»,- ասել է նա:

Ռասմուսենը նաեւ հույս ունի, որ Ռուսաստանը կաջակցի ՄԱԿ-ի Անվտանգության խորհրդի բանաձեւին, որը թույլատրում է 2014-ից հետո Աֆղանստանում նոր գործողություն սկսել, որը կապահովի երկարատեւ խաղաղություն ու կայունություն այդ երկրում: