Հայաստանը Թուրքիայից պաշտոնական դիմում չի ստացել

Թուրքիայի ԱԳՆ-ն հայտարարել է, որ իրենք պատրաստ են օգնություն ընդունել այն երկրներից, որոնք պատրաստակամություն էին հայտնել մասնակցել աղետի հետեւանքների վերացման աշխատանքներին: Այդ երկրների թվում էր նաեւ Հայաստանը:

Իսկ ավելի վաղ Թուրքիայի վարչապետն ասել էր, որ իրենք ի վիճակի են ինքնուրույն հաղթահարել աղետի հետեւանքները, սակայն երեկ հայտնի դարձավ, որ արդեն ընդունվել է Իսրայելի օգնությունը:

Հայաստանի ԱԻՆ փրկարար ծառայության պետի տեղակալ Նիկոլայ Գրիգորյանը yerkir.am-ին հայտնեց, որ Հայաստանը դեռ թուրքական կողմից պաշտոնական դիմում չի ստացել, որում Թուրքիան պետք է նշի, թե կոնկրետ ինչ տեսակի օգնություն է ակնկալում, ինչպես եղել է Իսրայելի դեպքում: