Սահակաշվիլին քաղաքական որոշում է ընդունել

Վրաստանի իշխանությունները բավական դժվար քաղաքական որոշում են ընդունել, ինչը նաեւ  երկար տարիների պայքարի արդյունք էր. անդրադառնալով Վրաստանի կողմից հայոց եկեղեցուն իրավաբանական անձի կարգավիճակ տալու որոշմանը` լրագրողներին ասաց քաղաքագետ Սերգեյ Մինասյանը:

Նրա համոզմամբ` Վրաստանում քաղաքական ուժերը եւ հասարակության ներկայացուցիչները սպասում էին, որ այդ որոշումն ավելի հեշտ եւ ավելի «սիրուն» ձեւով տեղի կունենար` կաթողիկոսի այցի ժամանակ, բայց դա տեղի չունեցավ հասկանալի պատճառներով, եւ դրանից հետո Սահակաշվիլին քաղաքական որոշում ընդունեց:

«Վրաստանն ունի պարտավորություններ Եվրոպայի խորհրդի  եւ այլ միջազգային կառույցների առջեւ: Վրաստանի համար, որն իրեն համարում է դեմոկրատիայի, մարդու իրավունքների եւ եվրոպական քաղաքակրթության ներկայացուցիչը տարածաշրջանում, դժվար էր այդ իրավիճակում բացատրել, թե ինչու կրոնական տարրական իրավունքները չեն պահպանվում»,- մեկնաբանեց քաղաքագետը: