Սահակաշվիլին քաղաքական գործիչներին թմրանյութ օգտագործելու մեղադրանք է ներկայացրել

Վրաստանի նախագահ Միխեիլ Սահակաշվիլին հայտարարել է, որ Վրաստանի քաղաքական գործիչների մեծ մասը «Կոկորդիլոս» (դեզոմորֆինի ժարգոնային տարբերակն է) կոչվող թմրանյութ է օգտագործում: Այդ մասին նա հայտարարել է իր կուսակցության համագումարում. հայտնում է Грузия Online-ը:

«Ինձ քիչ առաջ պատմեցին, որ Ռուսաստանից մեծ թվով «Կոկորդիլոս» թմրանյութ է ներմուծվում: Դրանք ընդունելուց հետո կարծում ես, թե առաջ ես շարժվում, իսկ իրականում միայն հետ ես գնում: Հավանաբար հենց այդ սարսափելի նյութի ազդեցության տակ է գտնվում Վրաստանի քաղաքական շերտի լուրջ մասը, ինչը երեւում է նաեւ նրանց դեմքից»,- ասել է  նախագահը:

Թե ո՞ւմ, մասնավորապես, նկատի ուներ Սահակաշվիլին` ասելով «քաղաքական շերտի լուրջ մաս», չի հստակեցվում: