"Գիլան"-ում վերականգնվել է արգելոցային ռեժիմը

ՀՀ կառավարությունը հունիսի 23-ի նիստում որոշեց «Խոսրովի անտառ» պետական արգելոցի տարածքում գտնվող «Գիլան» պետական արգելավայրի կարգավիճակը փոխել` վերականգնել արգելոցային ռեժիմը:

Որոշումը կայացվել է բնապահպանական մի շարք հասարակական կազմակերպությունների հետ քննարկման արդյունքում և նպատակ ունի ապահովել «Խոսրովի անտառ» պետական արգելոցի տարածքում առկա էկոհամակարգերի հավասարակշռության պահպանումը։

«Գիլան» պետական արգելավայրը 2008 թվականին վարձակալության և կառուցապատման իրավունքով տրամադրվել էր «Հովազաձոր» ՍՊԸ-ին` նրա ներկայացրած բնապահպանական ծրագիրն իրականացնելու նպատակով։ Սակայն քանի որ ՍՊԸ-ի իրականացրած աշխատանքներն ամենեւին էլ բնապահպանական բնույթ չեն ունեցել, նախարարի հանձնարարությամբ դրանք դադարեցվել են։

Բազմաթիվ քննարկումներից հետո որոշվել է «Գիլան» պետական արգելավայրի կարգավիճակը փոխել, պետական արգելոցի «Բայբուրդ» տեղամասի 118 հա տարածքում վերականգնել արգելոցային ռեժիմը, ինչը հնարավորություն կտա մեծացնել նշված տարածքում եղած էկոհամակարգերի պահպանության արդյունավետությունը: