Բարի վայելում

Անցյալ ամառ ձվի շուկայում տեղի ունեցած բոջռն իրադարձությունները` որոշ ընկերությունների դեմպինգային քաղաքականության արդյունքում առաջացած գների կտրուկ անկումը, դրա հետևանքով նոր տարվա նախօրյակին շուկայում առաջացած դեֆիցիտն ու գների ոչ պակաս կտրուկ աճը, Տնտեսական մրցակցության հանձնաժողովի «պատժիչ» գործողությունները, հատկապես` Լուսակերտի թռչնաֆաբրիկայի նկատմամբ, կարծես, մոտեցան իրենց տրամաբանական ավարտին:

Մեր տեղեկություններով` մի քանի օր առաջ կնքված գործարքի արդյունքում փոխվել է Լուսակերտի թռչնաֆաբրիկայի սեփականատերը: Այն ձեռք է բերել շուկայի մյուս խոշոր խաղացողներից մեկը` Գետամեջի թռչնաֆաբրիկայի սեփականատեր, «Դվին» կոնցերնի ղեկավար Ռաֆիկ Սարգսյանը: