Ո՞վ է ամենակոպիտը

Վարկեր են վերցվում միջազգային ընկերություններից, որոնք քաղաքացիներին իրացվում են հայաստանյան բանկերի միջոցով: Հարց է առաջանում` այդ վարկերը բերվում են բանկերին հարստացնելո՞ւ, թե՞ երկրի վիճակը բարելավելու համար:

Այս հարցն այսօր լրագրողների հետ հանդիպման ժամանակ բարձրացրեց ԱԺ ՀՅԴ պատգամավոր Արծվիկ Մինասյանը, ում, ի պատասխան, ԱԺ ՀՀԿ պատգամավոր Վարդան Այվազյանը նշեց. «Մի անգամ ՀՀ վարչապետն ասաց, որ ամենաքննադատական ելույթն իմն էր, երբ ես ասացի, թե եթե վերցնում եք ազատ գումար (դա եղել է մեկ անգամ), ինչո՞ւ եք տալիս բանկերի միջոցով: Էդ ժամանակ դուք այդքան կոպիտ չդրեցիք այդ հարցը, ինչքան ես դրեցի»:

Արծվիկ Մինասյան. - Լավ, դուք ամենակոպիտն եք դրել, բայց դրանից բա՞ն է փոխվել:

Վարդան Այվազյան. - Կարելի՞ է ավարտեմ:

Արծվիկ Մինասյան. -  Չէ, որովհետեւ թեման շեղում եք: