ԱՄՆ-ը համոզում է, թե Ասադի դեմ չի գործում

ԱՄՆ-ը ոչ մի քայլ չի ձեռնարկում Սիրիայի կառավարության դեմ, սակայն նախագահ Ասադը պետք է հաշվի առնի իր ժողովրդի իղձերն ու ակնկալիքները. լրագրողների հետ ճեպազրույցում հայտարարել է ԱՄՆ պետդեպարտամենտի պաշտոնական ներկայացուցիչ Մարկ Թոները:

Նա հավելել է, որ ԱՄՆ-ը աշխատանքներ է իրականացնում Սիրիայում եւ այլ երկրներում ժողովրդավարական գործընթացներին աջակցելու ուղղությամբ. «Իսկ Սիրիայի կառավարությունն այդ օգնությունն ընկալում է որպես սպառնալիք»:

Հիշեցնենք, որ Washington Post-ը, վկայակոչելով WikiLeaks-ի գաղտազերծած փաստաթղթերը, գրել էր, որ ԱՄՆ-ը գաղտնի ֆինանսավորել է Սիրիայի հակակառավարական խմբավորումներին: