Նավասարդ արքեպիսկոպոս Կճոյանի փաստաբանը պահանջել է հայցային վաղեմություն կիրառել

Հակակոռուպցիոն դատարանում՝ դատավոր Կարապետ Բադալյանի նախագահությամբ, այսօր կայացել է Արարատյան թեմի առաջնորդ Նավարսարդ արքեպիսկոպոս Կճոյանի դեմ Դատախազության հայցադիմումի գործով դատական նիստը։ Գրում է «Փաստինֆո»-ն:

Հայցադիմումով  Դատախազությունը պահանջում է հարկադիր դադարեցնել հողամասի կառուցապատման իրավունքը, թե կոնկրետ ինչ կառուցապատման մասին է խոսքը՝ պարզ չէ։ «Դատալեքս» համակարգում այս պահին տեղեկությունը սահմանափակ է, թեև դեռ օրեր առաջ նման սահմանափակումներ չեն եղել։

Նախորդ նիստում պատասխանող կողմը միջնորդություն էր ներկայացրել՝ հայցային վաղեմություն կիրառելու և գործը կարճլու մասին, սակայն միջնորդությունն այսօր փաստացի չքննվեց, քանի որ պատասխանող կողմի  նոր ներկայացուցիչ է ներգրավվել։ Հայցվոր կողմը միայն դիրքորոշում ներկայացրեց՝ պնդելով, որ գործով հայցային վաղեմություն կիրառելի չէ։  Հաջորդ դատական նիստը նշանակվել է հունվարի 16-ին։

Նավասարդ Կճոյանն այն 10 եպիսկոպոսներից է, որ միացել են Նիկոլ Փաշինյանին՝ ՀԱՍԵ դեմ արշավում։