Կհանդիպեն Սոչիում

Ռուսաստանի, Հայաստանի եւ Ադրբեջանի նախագահների հերթական եռակողմ հանդիպումը կայանալու է մարտի 5-ին Սոչիում: Այդ մասին այսօր լրագրողների հետ զրույցում հայտարարել է Ադրբեջանում ԱՄՆ դեսպան Մեթյու Բրայզան:

Բրայզան նաեւ հայտարարել է, որ ինքն ամեն ինչ անելու է բանակցային գործընթացում համանախագահներին օգնելու համար:  «Հիմնական նպատակը պետք է լինի երկկողմ փոխզիջումների  միջոցով երկարատեւ խաղաղության հաստատումը»,- ասել է դեսպանը:

Բրայզան նշել է, որ Լեռնային Ղարաբաղի հակամարտության ռազմական կարգավորումը բացառվում է, եւ համանախագահների առջեւ դրված հիմնական խնդիրը հենց դա է:

ՀՀ նախագահի մամուլի քարտուղար Արմեն Արզումանյանը ի պատասխան մեր հարցմանը` հաստատո՞ւմ է, արդյոք, հնարավոր հանդիպման մասին Բրայզայի հայտարարությունը, պատասխանեց. «Մենք ՀՀ նախագահի այցերի եւ ժամկետների մասին տեղեկացնում ենք պատշաճ ժամկետում եւ ըստ կարգի»: