Ժողովրդի համար միեւնույն է, թե ով կընտրվի

Հայաստանի քաղաքացիները համարում են, որ դեռ վաղ է խոսել ընտրությունների մասին. այսօր լրագրողների հետ հանդիպման ժամանակ տեղեկացրել է Սոցիոլոգների հայկական ասոցիացիայի նախագահ Գեւորգ Պողոսյանը` ներկայացնելով դեկտեմբեր-հունվարի ամիսներին անցկացված հարցման արդյունքները:

Այնուամենայնիվ, հարցման մասնակիցների կարծիքով` առաջիկա ընտրություններում կհաղթի Հանրապետական կուսակցությունը, երկրորդ տեղում «Բարգավաճ Հայաստանն» է, երրորդ տեղում` ՀՅ Դաշնակցությունը: Հայ ազգային կոնգրեսը եւ Ժողովրդական կուսակցությունը համարյա նույնչափ ձայներ են հավաքել:

Ըստ Գ. Պողոսյանի` այս ամենից կարելի է եզրակացնել, որ ընդհանուր պատկերը չի փոխվել, թեեւ դժվար է կանխատեսել, թե ինչ կլինի ընտրությունների ժամանակ: «Ժողովրդի համար միեւնույն է, թե ով կընտրվի: Մարդկանց համար կարեւորը նորմալ սոցիալական պայմաններում ապրելն է»,- նշել է ասոցիացիայի նախագահը: