Անհնար է ընդունել ԵՄ չափանիշները՝ մնալով ԵԱՏՄ անդամ. Լավրովը՝ ՀՀ-ի մասին

ՌԴ ԱԳ նախարար Սերգեյ Լավրովը հայտարարել է, որ անհնար է ընդունել ԵՄ չափանիշները՝ մնալով Եվրասիական տնտեսական միության (ԵԱՏՄ) անդամ։ Նա պատասխանել է լրագրողի հարցին՝ մեկնաբանելով Հայաստանի եվրաինտեգրման ձգտումները։

«Դա պարզապես տեխնիկապես անհնար է։ Դրանք անհամատեղելի են ոչ միայն առևտրի և ներդրումների տարբեր կարգավորումների պատճառով, այլև այն պատճառով, որ Բրյուսելը ցանկանում է վերափոխել Հայաստանի իրավական շրջանակը՝ համապատասխանեցնելով այն իր սեփական չափանիշներին»,- ասել է նա։

Ըստ նրա՝ այս չափանիշները ենթադրում են ԵՄ արտաքին քաղաքականության լիակատար պահպանում՝ ներառյալ հակառուսական պատժամիջոցները և հակառուսական հայտարարությունները։