Իշխան Սաղաթելյանը կոչ է արել այս գիշեր Զվարթնոց օդանավակայանում դիմավորել Վեհափառ Հայրապետին

ՀՅԴ Հայասատանի Գերագույն մարմնի ներկայացուցիչ, ԱԺ «Հայաստան» խմբակցության պատգամավոր Իշխան Սաղաթելյանը կոչ է արել այս գիշեր Զվարթնոց օդանավակայանում դիմավորել Վեհապառ Հայրապետին։

«Հայ առաքելական եկեղեցին ունի ավելի շատ պաշտպաններ, քան որևէ մեկը կարող է պատկերացնել։

Սիրելի հայրենակիցներ, այս գիշեր, ժամը 01:00-ին Վեհափառ Հայրապետը վերադառնալու է Երևան։ Ուստի Հայ առաքելական եկեղեցուն մեր զորակցությունը ցույց տալու համար կոչ եմ անում այս գիշեր ժամը 00:00-ին լինել «Զվարթնոց» օդանավակայանի VIP սրահի մոտ՝ դիմավորելու Վեհափառ Հայրապետին»։

Հիշեցնենք՝ ՀՅԴ Բյուրոն իր անվերապահ աջակցությունն է հայտնել Հայ Առաքելական Սուրբ Եկեղեցուն, խստորեն դատապարտել է իշխող վարչախմբի՝ Հայ Եկեղեցու նկատմամբ քայքայիչ, հակապետական գործողությունները և հայտարարել է, որ համակայկական կառույցի ողջ կարողականությամբ և միակամությամբ Հայ Առաքելական Սուրբ Եկեղեցու կողքին է՝ հանուն հայ ժողովրդի հավաքական իղձերի և Հայոց պետականության զորացման։