ՌԴ զինվորականները վերահսկողության տակ են վերցրել Խարկովի մարզի Ռադկովկան. ՌԴ ՊՆ

ՌԴ զինվորականները վերահսկողության տակ են վերցրել Խարկովի մարզի Ռադկովկա բնակավայրը։ Այս մասին հայտնում է Ռուսաստանի պաշտպանության նախարարությունը:

Նշվում է նաև, որ ռուսական ՀՕՊ միջոցները զանգվածային գրոհները հետ մղելիս մայիսի 20-ի երեկոյից մինչև մայիսի 23-ի առավոտ ոչնչացրել են թշնամու 1177 կամիկաձե դրոն, որից 788-ը` հատուկ ռազմական գործողության գոտուց դուրս:

Հիշեցնենք՝ 2022 թվականի փետրվարի 24-ին սկսվեց Ռուսաստանի և Ուկրաինայի միջև զինված հակամարտություն՝ Ռուսաստանի զինված ուժերի կողմից Ուկրաինայի տարածք ներխուժմամբ։ Մոսկվայի ժամանակով մոտավորապես ժամը 05:30-ին Ռուսաստանի նախագահ Վլադիմիր Պուտինը հայտարարեց Ուկրաինայի «ապառազմականացման և դենացիֆիկացման հատուկ գործողության» մասին, որից րոպեներ անց հրթիռային հարվածներ սկսվեցին Ուկրաինայի տարբեր վայրերում։ Մարտական գործողություններն ընթանում են մինչ օրս։