Իսրայելը սպառնում է վճռական հարված հասցնել Դամասկոսի նոր իշխանություններին

Իսրայելը սպառնում է վճռական հարված հասցնել Դամասկոսի նոր իշխանություններին, եթե նրանք թույլ տան Իրանին կրկին ամրապնդել դիրքերը Սիրիայում։ Իսրայելի վարչապետ Բենյամին Նեթանյահուն ուշագրավ հայտարարություն է արել․

«Մենք ցանկանում ենք առողջ հարաբերություններ ունենալ Սիրիայի նոր ռեժիմի հետ, բայց եթե այդ ռեժիմը թույլ տա Իրանին գտնվել Սիրիայում և զենք փոխանցել, այդ ռեժիմը ստիպված կլինի բարձր գին վճարել»,- նշել է նա։  

Նեթանյահուի գրասենյակից նաեւ հայտնել են, որ Իսրայելը չի ցանկանում միջամտել Սիրիայի ներքին գործերին, սակայն հույս ունի, որ այն կվերականգնի կապերը արաբական աշխարհի հետ:

ՑԱԽԱԼ-ն իր հերթին հայտարարել է Սիրիայի դեմ «Բաշան սուր» գործողության հաջող ավարտի մասին: