Պերուում հզոր երկրաշարժ է եղել

Պերուի հարավում 7,2 մագնիտուդ ուժգնությամբ հզոր երկրաշարժ է եղել։ Ըստ CCN-ի՝ ցունամիի վտանգ չկա:

ԱՄՆ Երկրաբանական ծառայության (USGC) տվյալներով՝ երկրաշարժը տեղի է ունեցել երկրի մայրաքաղաքից մոտավորապես 600 կմ հարավ, 28 կիլոմետր խորության վրա։

Ատիկիպայի որոշ բնակիչներ սոցցանցերում հայտնել են, որ իրենք զգացել են շատ ուժեղ և տևական երկրաշարժ, որի պատճառով մահճակալները ցնցվել են։

Վարչապետ Գուստավո Ադրիանզենը հայտնել է, որ երկրաշարժից հետո ոչ մահվան դեպք չի գրանցվել։

Խաղաղօվկիանոսյան ցունամիի նախազգուշացման կենտրոնն (PTWC) ի սկզբանե նախազգուշացրել է Պերուի որոշ ափամերձ տարածքների երկայնքով ցունամիի «հնարավոր» 1-3 մետր բարձրության հասնո ալիքների մասին: Սակայն նախազգուշացումը հետագայում չեղարկվել է: